Мистериозен милионер дели пари низ Сан Франциско

Граѓаните кои живееат во  Сан Франциско деновиве се сведоци на хумано дело од непознат милионер, кој остава сокриени пари на различни делови од градот.

Најверојатно станува збор за некое чудно „хоби“ кое го забавува овој милионер, бидејќи тој на Twitter отворил профил „Hidden Cash“ на кој објавува фотографии со локации на кои остава пари, а оние кои најбргу ќе ги најдат ги задржуваат за себе.

Позади профилот на Twitter се наоѓа анонимен трговец со недвижнини, кој на овој начин сака да ѝ се заблагодари на заедницата која го направила богат.

„Во последните неколку години заработив милиони. Заработив повеќе од тоа што можев да замислам. Имам многу пари, но многу од моите пријатели, па дури и моите вработени не можат да си дозволат да живеат достоен живот. Тоа ме натера да се подзамислам, па решив да вратам дел од парите, но на интересен начин“, изјави овој милионер за „The Bold Italic“