Кличко нов градоначалник на Киев

Виталиј Кличко  ќе биде нов градоначалник на Киев. Според прогнозите, по одржаните избори за градоначалник на Киев, повеќекратниот светски боксерски првак Виталиј Кличко добил околу 57,4 проценти од гласовите.

- Можам со сигурност да кажам дека според нашите информации, Кличко ќе биде новиот градоначалник на Киев, изјавил Порошенко откако ја објави својата победа на претседателските избори.

Четириесет и двегодишниот Кличко, боксер од тешка категорија кој стана херој на опозицијата, се откажа од трката за претседател на Украина за да го поддржи Порошенко.

Изборите за градоначалник се одржани вчера во неколку украински градови заедно со вонредните претседателски избори.