НАТО објави за посетата на Расмусен во Скопје

Прес-службата на Северно-атлантскатга алијанса од Брисел, денеска објави соопштение за посетата на генералниот секретар на НАТО, Андерс Фог Расмусен, во Скопје и Црна Гора.

Притоа, како што јавува дописникот на МИА од Брисел, во насловите на информациите, Алијансата целосно го избегнува именувањето на нашата земја, дури и со привремената референца бивша југословенска Република Македонија, па во однос на посетите на својот секретар информира дека „Рамсмусен ги посети Црна Гора и Скопје”.

Користењето на името на главниот град наместо на државата, кога станува збор за Република Македонија е неретка пракса, како во НАТО, така и во Европската унија. Па, така и сега, иако Црна Гора е насловена со своето име на државата, за Македонија не е употребана ниту привремената референца, туку само главниот град, што често го прави и лично Расмусен во неговите изјави.

Но, на претходна забелешка на дописникот на МИА од Брисел дали во нашиот случај имаме случај на евро-атлантска интеграција само на град наместо на цела држата, упатена на прес-конференции директно до генералниот секретар на Алијансата, но и до еврокомесарот за проширување на ЕУ, Штефан Филе, кога употребуваат само „Скопје”, наместо „Македонија”, двајцата високи преставници на овие две организации употребиле идентичен одговор:„Се знае на што мислиме”.

За разлика од Унијата, НАТО секогаш, па и во телото на текстот за посетата на Расмусен „на Скопје”, покрај именувањето на нашата држава со целата привремена референца, наведена е и ѕвездичка со напомена дека Турција, како сојузник на Алијансата, ја нарекува нашата земја со нејзиното официјално име Република Македонија.