Сама ги спасувала четирите деца од поплавите, сопругот побегнал- потресна исповед од Србија

Поплавите кај многумина ги истакнаа херојските особини, но не кај сите.

32- годишната Кисмета Крсниќ е мајката херој која сама ги спасувала своите четири деца од поплавите, откако нејзиниот сопруг побегнал и ја оставил сама да се бори за животите на децата.

- Кога надојде водата, мојот сопруг побeгна и ме остави мене со четирите деца, од кои најмалото има седум месеци. Водата навираше во нашата куќа и не знаев што да правам, но за среќа едно младо момче ми пријде напомош бидејќи во спротивно сите ќе се удавевме.

- Тоа хумано момче ја носеше количката со најмалото бебе, а јас за рака ги држев малите Марија и Никола, додека Кристина одеше пред мене бидејќи е постара од нив и може сама. Во еден момент дојдовме до мост кој требаше да го преминеме и да се качиме на трактор кој не чекаше на другата страна. Мостот беше неверојатно лизгав. Шестгодишната Кристина падна во водата. Не можам да опишам како се чувствував во моментот, беше како во најлошиот кошмар. Детето ви паѓа во матна вода и можеби никогаш нема да го видите. Се вкочанив во моментот, но за среќа соседот кој во тој момент се најде на мостот скокна во водата и ми ја спаси ќеркичката која за време на падот силно си ја удри главата, се потсетува Кисмета.

За време на качувањето на тракторот таа си ја повредила ногата и сега не може да се движи.

- Важно е дека успеав да си ги спасам децата и да ги извлечам живи од овој хорор. Сега сме добро, но тоа не е решение. Стравичните поплави ќе пројдат, а јас не знам каде ќе одам со своите малечки, бидејќи домот ни е целосно уништен, тажно прокоментирала Кисмета.