МВР и денеска и утре ќе издава лични карти

Управните служби на МВР низ целата држава ќе работат и денеска и утре, и ќе ги примаат и одобруваат барањата за лична карта од 08:30 до 16:30 часот.

Граѓаните кои денеска ќе аплицираат или кои аплицирале претходниве денови ќе можат личните документи да ги подигаат и утре, бидејќи на изборниот ден ќе работат сите управни служби од 07:00 до 19:00 часот, но само за издавање документи.

Ова ќе им овозможи на сите граѓани кои од кои било причини во овој период останале без лични документи, а ги има на Избирачкиот список и сакаат да го остварат своето избирачко право, да извадат документи за да им биде овозможено гласањето.