Саздов ја заврши кампањата со митинг во Торонто

Кандидатот на ВМРО-ДПМНЕ и коалаицијата „За Подобра Македонија“ за пратеник од Осмата изборна единица, Павле Саздов, ја заврши својата кампања со предизборен митинг во Торонто.

- Главната порака која македонските граѓани ја пратија на досегашните средби е дека од досегашното работење препознаваат оти има разлика, и масовно не поддржуваат нас и нашата визија. Добив голема поддршка на сите средби со граѓаните за ветеното на екононски, образовен, културен и надворешно-политчки план, изјави Саздов.

Во Осмата изборна единица утре се гласа на шест избирачки места, во амбасадите во Вашингтон и Отава, и во конзулатите во Њујорк, Торонто, Чикаго и Детроит. Дијаспората гласа еден ден порано, на вториот круг претседателски избори, и на предвремените парламентарни избори, на кои секоја од трите единици надвор од Македонија ќе избере по еден пратеник.