Меркел повторно на врвот на листата за највлијателни жени во светот
Германската канцеларка Ангела Меркел и годинава останува највлијателна жена во светот.
По неа на листата се претседателката на Бразилија Дилма Русеф и сопругата на Бил Гејтс, Мелинда Гејтс, според листата на „Форбс“ на највлијателни жени во светот.
Директорката на Меѓународниот монетарен фонд Кристин Лагард се искачи за една позиција и се наоѓа на седмото место.
Најмлада на листата е 27-годишната ексцентрична пејачка Лејди Гага, која се наоѓа на 45-тата позиција, додека најстара е британската кралица Елизабета Втора (87), која е на 40. место.
