Тодоров: Ќе се асфалтира патот од Каменица до Паланка
Поврзување на Македонска Каменица со Крива Паланка, односно „Саса“ со „Тораница“, преку асфалтирање на патот во должина од 17 километри е еден од проектите што денеска го промовираше носителот на листата на ВМРО - ДПМНЕ и коалицијата „За подобра Македонија“ во третата изборна единица, Никола Тодоров.
- Тоа се две соседни општини, кои досега не биле споени со патна инфраструктура. Очекувам дека овој проект ќе се реализира 2016-2017 година, а вредноста на инвестицијата е околу 10 милиони евра. Се надевам дека со изградбата на овој пат ќе се овозможи подобра економска поврзаност меѓу овие две соседни општини, олеснување на превозот на луѓе, стоки и капитал, како и заживување на целиот овој регион од економски аспект, рече Тодоров презентирајќи дел од пред изборната програма со 2.046 проекти на ВМРО - ДПМНЕ пред жителите на Македонска Каменица.
Тој потенцира дека ќе продолжат со проектот за изградба на 120 тениски игралишта. - Предвидуваме изградба на две овде во Македонска Каменица во периодот од 2014 до 2016 година, најави Тодоров.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
