ЕКСКЛУЗИВНО: Џабир Дерала откри зошто Пендаровски загуби со 123.000 гласа разлика

Претседателот на невладината организација „Цивил“, Џабир Дерала, во изјава за порталот Плусинфо открива зошто ВМРО-ДПМНЕ освои 450.000 и направи разлика од над 120.000 гласови во првиот круг од претседателските избори.

Изјавата на Дерала индицира дека една од причините за тоа се заглавените лифтови во висококатници во Капиштец и Кисела Вода, поради што граѓаните вчера не можеле вообичаено да излезат од дома.

- Добивме поплаки и дојави од граѓани и граѓанки кои живеат во пет висококатници во Кисела Вода и во Капиштец дека лифтовите им биле заглавени. Слично нешто се случи и на минатите локални избори во 2013 година, во висококатници во Капиштец кога од два лифтови во зградата, двата не работеа, вели Дерала за „Плусинфо“.

Опозициските портали уште во предизборниот молк започнаа да креираат амбиент за изборен пораз, а главна цитирана вест на сите портали беа заклучоци кои ги изнесува организацијата Цивил.

Првиот човек на „Цивил“ од заштитник на правата на Албанците до борец за правата на хомосексуалците, сега стана главна тупаница на СДСМ во изборниот мониторинг, откривајќи дека заглавените лифтови во Капиштец и Аеродром биле една од причините за катастрофалниот пораз на Пендаровски и СДСМ.