Крвав викенд: 27 сообраќајки на скопските улици

Викендов на подрачјето на Град Скопје од страна на сообраќајната полиција извршен е увид на вкупно 27 сообраќајни незгоди. 

Во петокот се случиле вкупно седум сообраќајни незгоди. Од нив, две се со последица материјална штета, четири со телесна повреда во кои со полесни повреди се здобиле двајца возачи на моторни возила, двајца пешаци и тројца сопатници.

Се случила и една незгода со тешки телесни повреди во 19 часот и 20 минути на локалниот пат с. Бродец – с. Побожје во која учествувало патничко моторно возило „цитроен“ со скопски регистарски таблички, управувано од граѓанин на Скопје. Од незгодата со тешки телесни повреди се здобиле две лица, сопатници во возилото и со телесни повреди еден возач и еден сопатник.

Во сабота, сообраќајната полиција изврши увид на вкупно осум сообраќајни незгоди. Од нив, три се со последица телесни повреди, во која со телесни повреди се здобиле еден возач, еден пешак и еден возач на мотоцикл. Останатите пет незгоди се со материјална штета.

Во текот на вчерашниот ден се случиле 12 сообраќани незгоди. Од нив, осум се со последица телесна повреда во кои со телесни повреди се здобиле 18 лица, а останатите четири незгоди се со последица материјална штета.

Во текот на изминатиот викенд од страна на сообраќајната полиција откриени и санкционирани се тројца возачи кои ги управувале своите возила под дејство на алкохол и истите се исклучени од сообраќај, четворица возачи коишто не ги почитувале светлосните сообраќајни знаци на крстосниците и тројца возачи кои ги управувале своите возила без возачка дозвола.