Се продава најголемиот син дијамант во светот- еве колку чини
Најголемиот син дијамант во светот, чија вредност се проценува меѓу 21 и 25 милиони долари, ќе се најде на продажба на аукција следниот месец во Женева.
Аукциската куќа Christie's го претстави дијамантот од 13.22 карати за коj не се знае точно од каде е изваден. Проценувачите od Christie's претпоставуваат дека е од Јужна Африка каде што се пронајдени најголемиот број на сини дијаманти.
„Каменот е чист. И одвнатре и однадвор нема никакви неправилности. Едноставно, тоа е најдобриот син дијамант на светот", рекла Рахул Кадакиа од Christie's.
Сините дијаманти се многу ретки и сочинуваат помалку од два проценти од вкупниот пазар на дијаманти.
Сопственикот, кој долго го имал овој дијамант, сакал да остане анонимен, а се одлучил за продажба затоа што смета дека сега може да достигне одлична цена.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа