Голем шумски пожар во Чиле- изгорени над 500 куќи

Во шумски пожар кој беснее во близина на чилеанското пристаниште Валпараисо досега изгореа околу 500 куќи поради што околу 3.000 луѓе мораа да бидат евакуирани.

Министерот за внатрешни работи на Чиле, Родриго Пенајлилјо изјави дека еден човек е повреден во пожарот, но засега нема смртни случаи. Подрачјето е прогласено за зона на елементарна непогода.

Во евакуацијата на луѓето помагаат и армиски единици.

Кон Валпараисо град со 270.000 жители чиј историски кварт во 2004 година е прогласен за Светско културно наследство на Унеско, се шири густ облак од чад. Во делови од градот нема вода и струја.