Мирно и во Прилеп и Штип - отворени сите избирачки места
Без никакви проблеми започна изборниот процес во Прилеп и Штип.
Според информациите од ОИК-Прилеп, сите 142 избирачки места се отворени во 7 часот. Право на глас имаат вкупно 64.567 граѓани.
И во општините Кривогаштани и Долнени гласањето во првиот круг од претседателските избори почна навреме и се одвива непречено. Како што информираат од општинските изборни комисии, во Кривогаштани на 13 избирачки места за гласање се евидентирани 4.743 граѓани, а во општина Долнени на 40 избирачки места 11.037 избирачи.
Точно во 7 часот беа отворени сите 80 избирачки места во Штип. Граѓаните очекуваат фер и демократски избори.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа