Тешка сообраќајна несреќа- 4 лица загинати

Четири млади лица загинаа во тешка сообраќајна несреќа, што се случи во тиранската општина Камза.

До несреќата дошло кога возачот Алфред Белули (25) загубил контрола врз возилото кое го управувал со голема брзина и излетало од патот. Во несреќата животот го загубиле и  Фатјон Дриза (22), како и Јурѓета Муча (18) и нејзиниот четири години помал брат Клевис Муча.

Возилото било толку многу оштетено што на помош била повикана и противпожарна служба за да ги извади телата од автомобилот, јави дописникот на МИА од Тирана.

Повредните лица на пат кон Воената болница во Тирана. 

Низ албанските патишта во просек годишно животот го губат по најмалку 330 лица, а како главни причини се возењето под дејство на алкохол, неприлагодена брзина според условите на патот, непочитување на правото за претекнување.