Не сакал да плати гориво - го влечел пумпашот закачен за автомобилот стотина метри
32 годишен работник на бензинска пумпа во ЗАгреб, Хрватска се здобил со потешки повреди откако ноќеска околу 2:45 часот се уште непознат возач го „закачил за својот автмобил“ и го влечел неколку стотици метри.
Спроед информациите кои ги објавуваат хрватските медиуми, вработениот на пумпата забележал дека возачот наполнил гориво и сакал да замине без да плати. Во тој момент, тој дотрчал до неговиот автомобил и како што изјавил во полиција, некако се закачил за возилото.
Возачот ставил во брзина и тргнал а со себе го влечел работникот до наредната улица, каде тој успеал да се ослободи.
Со повреди на колковите и грбот, работникот итно е префрлен во загрепската болница каде според информациите се наоѓа надвор од животна опасност.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа