Продолжуваат предизборните кампањи - еве каде ќе има митинзи

Продолжуваат претседателската кампања и кампањата за предвремени парламентарни избори.

ВМРО-ДПМНЕ и Коалицијата „За подобра Македонија“ денеска ќе одржи централни митинзи во Гостивар и во Тетово, а претходно ќе имаат средби со граѓани во Желино, Боговиње и помал митинг во Теарце.

СДСМ, пак, ќе одржи митинг во центарот на Скопје, на кој ќе ги промовира кандидатите за пратеници  и коалициските партнери.

ГРОМ ќе одржо митинг во Богданци и средби со граѓани во Гевгелија, Нов Дојран  и Стар Дојран.

Демократската партија на Албанците ќе има митинг во општина Теарце.

На митинзите на партиите свое обраќање ќе имаат и кандидатите за претседател на Република Македонија - Ѓорге Иванов, Стево Пендаровски, Зоран Поповски и Илјаз Халими.

Конвенција и промоција на кандидатите за пратеници ќе имаат и  Националната демократска преродба (НДП) - во Куманово и ВМРО-Народна партија - во Охрид.