Груевски: Тимската работа не движи напред
Оваа политичка гарнитура работи како тим, составена e од силни индивидуaлци кои работат како тим и тоа е нашата предност која ја движи државата напред.
Тоа го порача премиерот и лидер на ВМРО-ДПМНЕ Никола Груевски вечерва на митинг на коалицијата „За подобра Македонија“ барајќи поддршка за претседателскиот кандидат Ѓорге Иванов.
На својата држава, посочи Груевски, можеш да и помогнеш најдобро ако работиш многу и чесно и ако си во добра кординација со Владата, а токму тоа го правеше Ѓорге Иванов.
- Во овие години Македонија виде што значи единствено во државниот врв што е еден од условите за успех. Тоа е она обратното од она што ни се случуваше кога претседател беше Бранко Црвенковски, наведе Груевски.
Тој оцени дека во изминатите пет години Владата, претседателот Иванов, и претседателот на Парламентот функционирале како тим Македонија и затоа, како што рече, успеваме.
За Иванов истакна дека е посветен претседател што секогаш бил со народот и никогаш не правел условувања како неговиот претходник.
- Со Иванов сите видовме како треба да се биде претседател на РМ. Тој беше претседател кој покажа како треба да се бранат интересите на државата и неуморен во борбата да стаса секаде и кај секого што може да помогне. Одејќи кај луѓето, слушајќи ги, соочувајќи се со нивните проблеми, Иванов секогаш останал со народот
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа