Руски „Гаспром“ ќе ја зголеми цената на природниот гас за Украина

Компанијата „Гаспром“ која важи за најголем руски производител на природен гас, денеска соопшти дека во вториот квартал ќе ја зголеми цената на гасот за Украина на 385,5 долари за 1.000 метри кубни.

Цената во претходното, прво тромесечие, изнесуваше 268,5 долари.  

Со оваа одлука Украина го загуби попустот на цената за гас кој го договори со Русија минатата година, пред почетокот на политичката криза во Киев, која заврши со смена на украинскиот претседател Виктор Јанукович и присоединување на украинскиот полуостров крим кон Русија.

Според генералниот директор на „Гаспром“, Алексеј Милер, украинскиот долг за рускиот гас моментално изнесува 1,7 милијарди долари.