Кличко: Јулија повлечи се!

Виталиј Кличко ја повика Јулија Тимошенко да се повлече од трката за претседател и да го поддржи заедничкиот кандидат. Крим ќе добие специјален економски статус во Русија. Руските сили постепено се повлекуваат од Украина а Москва формира министерство за Крим. Џон Кери и Сергеј Лавров се уште не можат да се договорат за Украина. 

Кличко во авторски текст во германскиот дневник Билд, истакна дека Украина се наоѓа, не само пред огромни реформи, туку и под воена закана од страна на Русија. Украинската партија „Баткившчина“ (Татковина) ја истакна на 29 март кандидатурата на својот лидер и поранешна премиерка Јулија Тимошенко, за изборите за претседател на државата кои се закажани за 25 мај. 

Кличко како лидер на Украинската демократска алијанса за реформи (УДАР) се откажа од каниддатурата за шеф на државата, најавувајќи ја кандидатурата за градоначакник на Киев. Кличко на претседателските избори го поддржа лидерот на Солидарност, бизнисменот Пјотра Порошенка. 

„Потребен ни е заеднички претседателски кандидат на сите демократски партии, за да немаме понатамошни делби во земјата“, истакна Кличко. 

Истовремено рускиот премиер Дмитриј Медведев истакна дека Русија ќе му додели на Крим статус на специјална економска зона со даночни олеснувања и поедноставна бирократија за да може да ги привлече инвеститорите. 

„Нашата цел е да полуостровот биде што попривлчене за инвеститротите за да можат да остварат доволен приход за да самото место го финансира својот развој’, вели Медведев. 

Украина ја осуди посетата на премиерот на Русија во Крим, окарактеризирајќи ја како „грубо кршење“ на правилата на меѓународните односи. 

„Украинското министерство за надворешни работи во писмо до Руската Федерација изрази категоричен протест истакнувајќи дека посетата на официјални лица на друга држава без прелиминарен договор е грубо кршење на правилата на меѓународната заеднца. 

Посетата на Медведев доаѓа на ден по неуспешните преговори меѓу Вашингтон и Москва за кризата во Украина. 

По состанокот на шефови на дипломатијата на САД и Русија во Париз, Сергеј Лавров изјави дека разговорите со Кери биле конструктивни и дека ќе продолжат. 

Лавров смета дека федерална украина е клучот за решение за кризата, додека Керим вели дека тоа треба да го одлучат самите Украинци. 

Керим додаде дека Русија треба да ги повлече своите воени сили од Украина и за какви било следни чекори треба да бидат вклучени лидерите во Киев.