Тројца астронаути заминаа кон Меѓународната вселенска станица
Вселенски екипаж составен од два руски и еден американски космонаут денеска со руската ракета „Сојуз“ замина кон Меѓународната вселенска станица. Екипажот е составен од Русите, Александар Сквотцов и Олег Артемијев и Американецот Стив Свонсон а ракетата е лансирана од космодромот „Бајконур“ во Казахстан.
Космонаутите ќе стигнат до Станицата за помалку од шест часа и во земјината орбита ќе останат шест месеци.
Ракетата е лансирана утрово во три часот и 17 минути по локално време.
Во Меѓународната вселенска станица од ноември претстојуваат Јапонецот Коичи Ваката, Американецот Рик Мастракио и Русинот Михаил Тјурин.
Ваката е првиот јапонски астронаут кој раководи со станицата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
