Грчки весници: Самарас да учи од Груевски како се носат инвеститори

жГрчкиот премиер Андонис Самарас пред околу половина месец во Брисел ја величаше борбата што ја плаќа Грција на фискално и структурно ниво со цел да постели црвен тепих за странски инвестии, но сепак се чини дека „црвениот тепих “ на премиерот е на второ место, барем на Балканот.

Како што јави дописникот на МИА од Атина, ова го пишува грчкиот „Весник на уредниците“ во анализа на грчката политика за привлекување странски инвестиции насловена „ Ние црвен тепих, соседите пакет понуди“.

- Опиплив доказ е рекламирањето на Владата на соседна Македонија (кој продолжува себеси да се нарекува така, но исто така постигна се повеќе и повеќе луѓе на планетата да ја прифатат како ’Македонија’) на последната страница од весникот ’Економист’.  Под наслов ’Треба да ги намалите вашите трошоци ? Инвестирајте во Македонија’, Владата на Република Македонија нуди многу атрактивен пакет за потенцијалните инвеститори од странство, кој грчкиот премиер треба сериозно да се разгледа пред да почне да зборува за ’црвени теписи’, коментира „Весникот на уредниците“.

Весникот потоа додава дека „ни повеќе, ни помалку“ Македонија на странските инвеститори им нуди ниски даночни стапки, брзо регистрирање на фирма кое што трае само четири часа, макроекономска стабилност односно ниска инфлација, нулта данок на реинвестирана добивка, слободен пристап до огромен пазар од 650 милиони потрошувачи, изобилство и конкурентна работна сила која во просек се плаќа бруто 498 евра месечно, одлична инфраструктура и транспортна мрежа, како и апликациите за членство во ЕУ и НАТО што значи дека странските инвестиции во земјата се безбедни.

- По сето ова, произлегува прашањето дали ќе биде мудро и Грција да изберете сличен модел за да се привлече странски инвестиции и, се разбира економски развој ориентирана кон извозот во наредните години, заклучува „Весникот на уредниците“.

19.03.2014 - 12:23

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега