МОН: Изградивме 36 нови спортски сали - уште 15 се во градба

Преку проектот на Министерството за образование и наука за изградба и опремување на 145 училишни спортски сали, досега се изградени триесет и шест нови сали кои, покрај ученици, ги користат и жителите на општините.

- Во изминатите неколку години се изградени комплетно нови 36 спортски сали,  поголеми или помали во зависност од моделот и од локацијата. Петнаесет се во градба и се очекува во следниот период да бидат завршени, истакна денеска министерот за образование и наука Спиро Ристовски.

Тој посочи дека се работи за еден од капиталните и најзначајни проекти на Владата, во кој досега се инвестирани приближно 1.186.000.000 денари.

- Директен бенефит од изградбата на салите имаат 35.000 ученици. МОН ќе продолжи и натаму да ги гради, паралелно со проектот што го реализира Агенцијата за млади и спорт за изградба на дополнителни 35 спортски сали, додаде Ристовски.