Си возеле без возачка - седум сообраќајки во Скопје
Во текот на изминатото деноноќие на подрачјето на Град Скопје се случиле вкупно седум сообраќајни незгоди, од кои две се со последица материјална штета и пет со последица телесна повреда во кои со полесни повреди се здобиле тројца возачи на патнички моторни возила, двајца сопатници и двајца пешаци.
Во текот на вчерашниот ден од страна на сообраќајната полиција санкционирани се 11 возачи кои не го почитувале ограничувањето на брзината на движење, 12 возачи кои ги управувале своите возила со изминат рок на важноста на сообраќајната дозвола, седум возачи кои се затекнати како ги управуваат возилата без важечка возачка дозвола и 10 возачи коишто го користеле мобилниот телефон за време на управување на возилата.
За денеска нема најавено вонредни настани. Сообраќајот ќе се одвива тековно.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
