Јаценјук: Украина нема да и отстапи ниту еден сантиметар на Русија

На свеченоста по повод 200-годишнината од раѓањето на поетот Тарас Шевченко, борец за независна Украина, новоизбраниот украински премиер Арсениј Јаценјук изјави дека Украина нема да и отстапи ниту еден сантиметар од својата територија на Русија, чии сили од минатиот месец го окупираат полуостровот Крим.

- Тоа е наша земја. Нема да дадеме ниту еден сантиметар од неа. Нека го знаат тоа Русија и нејзиниот претседател, истакна Јаценјук на свеченост по повод 200-годишнината од раѓањето на поетот Тарас Шевченко, борец за независна Украина. 

Тој увери дека ќе направи напори за политичко и дипломатско решавање на кризата во Крим.

Според Јаценјук, САД и Велика Британија, кои станаа гаранти за територијалниот интегритет на Украина кога поранешната советска република во 1994 година се откажа од нејзиното нуклеарно оружје, ќе направат „се што е можно за да ја заштитат независноста на Украина“.

- Се наоѓаме пред еден ид најголемите предизвици во историјата на независна Украина, нагласи Јаценјук