Што ќе се случува денеска во Капитол мол?

Во Капитол мол денеска ќе се одржи хуманитарен базар на кој ќе учествуваат деца од основните училишта во Аеродром. 

На настанот кој се одржува по повод 8. март, ќе се изработуваат предмети и честитки, а собраните средства од акцијата ќе бидат наменети за одбележување на Денот на жената на пациентките на Универзитетската клиника за радиотерапија и оноколгија, во Скопје.

За присуство на хуманитарниот базар се пријавени 200 деца од основните училишта: „Гоце Делчев“, „Браќа Миладиновски“, „Димитар Македонски“, „Александар Македонски“ и „Ѓорѓија Пулевски“.