Магла ја покри Стража - внимавајте при возењето

Сообраќајот на патиштата низ државата се одвива без забрани по претежно влажни коловози. На планинскиот премин Стража има појава на магла со видливост од 70 до 100 метри.

Интензитетот на сообраќајот надвор од градските средини е умерен, а на граничните премини засега нема подолготрајни задржувања за влез и за излез од државата.

Јавното претпријатие „Македонија пат“ ги потсетува возачите дека без оглед на моменталната временска состојба, задолжителното носење на зимска опрема трае до 15 овој месец.