Јанукович утре ќе одржи прес-конференција во Русија ?!

Според јавувањето на руските медиуми сменетиот украински претседател Виктор Јанукович утре во Русија ќе има прес конференција.

Претходно ИТАР-ТАСС објави обраќање на Јанукович до народот на Укрина во кое сменетиот шеф на украинската држава наведува дека се уште се смета себе си за легитимен претседател на Украина.

- Се уште се сметам за легитимен претседател на украинската држава, избран со слободната волја на украинските граѓани, посочува Јанукович во „обраќање до народот на Украина“.

- Не можам да останам нем на трагичните настани во мојата татковина. Сметам дека Спогодбата за надминување на кризата во Украина, што на 21 февруари 2014 година ја потпишавме јас и лидерите на украинската опозиција во присуство на почитуваните западни партнери, не е исполнета. Од улиците на многу градови во земјата ни се јавува екстремизам. Се упатуваат закани за физичка ликвидација кон мене и кон мои соработници, додава Јанукович во изјавата.

Тој упати молба до руските власти да му ја гарантираат „личната безбедност од активностите на екстремистите“.