Ја поминала ноќта во затвор затоа што не вратила филм во видео-клуб цели 9 години
Кајла Мишел Финли од Јужна Каролина е уапсена кога била во канцеларијата на шерифот за да пријави злосторство.
Полицијата во таа прилика утврдила дека пред девет години е издаден налог за нејзинио апсење затоа што не вратила филм кој го позајмила од видео-клубот.
Жената ја поминала ноќта во затвор откако е обвинета за ситна кражба затоа што не ја вратила видео-касетата „Monster-In Law“ со Џенифер Лопез во главна улога.
Видео - клубот од кој ја позајмила касетата од многу одамна не постои.
- Очигледно е дека Округот Пикенс нема попаметна работа, напиша Финли за „Фокс Каролина њуз“ со посредство на Фејсбук. Цврсто сум решена да се борам против ова. Бесмислено е ова што ми се случува, рече таа.
Полицијата соопшти дека опомените со кои се налага на Финли да го врати филмот се испратени пред девет години. Освен тоа, и испратиле налог за апсење на 21 септември 2005 година, но таа тврди дека не ги примила ни едно ни друго.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
