ЗОИ: Боб-санка повреди еден работник на патеката

Како што пренесуваат руските медиуми, повреден е работник на патеката за боб на олимпијадата во Сочи. 
 
Инцидентот се случил на почетокот на тренингот на боб четворосед, кога пробниот боб кој се користи за проверка на патеката удрил во работник ангажиран за правње вештачки снег.

Човекот останал да лежи на патеката со двете скршени нозе се додека во помош не му пристигнале медицинските лица.
 
Поради инцидентот одложен беше почетокот на денешниот тренинг.
 
Од Меѓународната боб и санкачка федерација се уште нема коментар за овој настан.