Обука на патронажните сестри за откривање знаци на заостанување во развојот кај децата

Националното здружение на медицински сестри и акушерки и Детскиот фонд на Обединетите нации започна иницијатива за градење на капацитетите на патронажните сестри за што е можно порано откривање знаци на заостанување во развојот кај децата. Иницијативата насловена како „Учиме заедно: Поддршка за семејствата и децата со пречки во развојот“, ќе им помогне на дечињата.

Бертран Демулен, претставник на УНИЦЕФ смета дека децата со пречки во развојот кои добиваат квалитетна нега и можности за развој, особено во раните години од животот, се со поголема веројатност да го достигнат својот целосен потенцијал и да водат продуктивен живот.

Патронажните сестри ќе бидат подобро обучени да го следат целокупниот физички, социјален, когнитивен и емотивен развој на доенчињата и малите деца, да идентификуваат знаци на развојни тешкотии и да обезбедат поддршка за родителите и семејствата. 

Патронажните сестри ќе развијат нови вештини за помош на родителите со вакви предизвици.