Омбудсманите на земјите од регионот ги повикаа властите да се грижат за економските и социјални права на граѓаните

Омбудсманите на Албанија, Босна и Херцеговина, Црна Гора, Хрватска, Косово, Македонија, Словенија и Србија ги повикаа властите во своите земји да покажат поголема грижа, сензибилност и доследност во решавање на прашањата од областа на економските и социјални права на граѓаните, бидејќи непочитувањето на овие права е најголема закана за човековите права во целина, се наведува во заедничкото соопштение.

Според омбудсманите неопходно е постоечките проблеми да се решаваат со широк општествен дијалог и целосно почитување на виталните интереси на најзагрозените групи граѓани, јави Танјуг.

- Почитувањето на човековите права и владеење на правото во секоја ситуација, особено кога се изразува граѓанско незадоволство е императив за сите власти, што омбудсманите секојдневно ќе го контролираат, се наведува во соопштението.