Средба Џафери-Васиќ: Потврдена одличната соработка на полето на одбраната и безбедноста

Mинистерот Талат Џафери и заменик-министерот за Косовските безбедносни сили, Јасмина Васиќ, денеска во Министерството за одбрана, ја потврдија одличната соработка во полето на безбедноста и одбраната.

Како што информираат од Министерството за одбрана, на средбата Џафери-Васиќ соговорниците изразиле задоволство за за можностите за користење на капацитетите на армискиот полигон „Криволак“, како и за останатите капацитети кои се дел од МО и тоа Регионалниот центар за односи со јавноста, кој е и НАТО-центар за земјите од Партнерството за мир и Военомедицинскиот центар.

Министерот Џафери информирал дека Македонија е подготвена во иднина да ги споделува искуствата, научените лекции и капацитетите кои ги поседува, на билатерално, но и регионално ниво.

Заменик-министерот за Косовските безбедносни сили, Васиќ, ја посети и Воената академија „Генерал Михаило Апостолски“ каде во моментов се школуваат шест припадници на Косовските безбедносни сили.

06.02.2014 - 13:23
Фото: 
МИА

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега