Лорин: Ќе му ја растурам веридбата на Ѓоковиќ и ќе се омажам за него!

Шведската атракција Лорин, која минатата година победи со својата песна "Еуфорија" на Евросонг, синоќа имаше спектакуларен настап на шоуто Икс-Фактор каде ги воодушеви публиката, натпреварувачите и жирито.

Во разговор за српскиот Курир, пејачката открива дека Икс-Фактор според неа е добра прилика која на младите таленти ќе им донесе шанса да покажат што умеат пред светот.

На прашањето дали го слушнала Лукијан Ивановиќ кој на аудиција ја изведе нејзината песна "My heart is refusing me", Лорин вели дека пеел навистина одлично.

Победничката на Евросонг, открива и дека Белград многу и се допаѓа, а исто така и луѓето, па затоаиби дошла и во наредна прилика. За себе вели дека е феминистка и голема хуманитарка. Потврдува идека гласините дека нема телевизор дома се вистинити.

- Имам Ајпад па гледам неколку канали. Така се информирам за случувањата, вели таа.

На прашањето дали и се допаѓа Новак Ѓоковиќ, Лорин вели. - Да, да, велите ќе се жени? Верен е? Ах, ќе му ја растурам веридбата! Се шегувам, навистина е прекрасен и одличен во работата. Се радувам што се занимава и со хуманитарна работа.

На прашањето дали има момче, вели дека моментално е заљубена само во музиката.