Се предомисли - Принс нема да ги тужи фановите

Принс се откажа од судско гонење. Американскиот музичар во почетокот на месецот поднесе тужба против 22 лица за кршење на авторските права и илегална дистрибуција на снимки на неговите концерти на Интернет, барајќи од секого отштета од милион долари.

Според Интернет страницата „ТМЗ“, која тврди дека дошло до судски документи, Принс побарал од федералниот судија на Калифорнија да ја стопира тужбата.

Одлуката на изведувачот на познатите хитови „Purple Rain“ и „Little Red Corvette“ да поднесе тужба предизвика контроверзии, па дури и бес меѓу неговите фанови.

- пиратеријата е лоша работа, но ова навистина е бедно. Принс ќе остане запаметен по една од најубавите хитови кои некогаш се напишани, и по омразата кон своите фанови, напиша еден корисник на Интернет форумот Prince.org.

Засега не е позната причината поради која Принс ја промени одлуката.