Гостиварчанка претрпела струен удар од електрична правосмукалка

Четириесет и едно годишната А.Ф. од струен удар од електрична правосмукалка добила изгореници и повреди на рацете и телото.

Жената е вон животна опасност, но е префрлена на лекување на скопските клиники.

Според полициски извори таа во семејниот дом во Гостивар, ја вклучила правосмукалката. Од засега неутврдени причини таа претрпела струен удар и паднала во бессознание.

Била реанимирана во гостиварската болница, а поради повредите и изгорениците попладнево била пренесена во Клиничкиот центар во Скопје. Се испитуваат околностите кои довеле до невообичаениот настан.