Белград: Околу 3.000 демонстранти протестираат против владините антикризни мерки

Околу 3.000 демонстранти денеска протестираа во централниот дел на Белград против предлог-законите, за кои српската Влада тврди дека се клучни за економската реформа во земјата, но ќе предизвикаат и дополнителни отпуштања од работници.

Демонстрантите  упатија барање до министерот за економија Саша Радуловиќ да поднесе оставка и новите предлог-закони за труд, банкрот и приватизација да бидат повлечени.

Министерот Радуловиќ тврди дека законите се неопходни, со цел да се „рестартира“ српската економија, која е уништена „од војните, лошото управување со земјата и корупцијата“.

Експертите нагласуваат дека државните загубари се тежок товар за српската економија и дека мора де се преземат мерки за решавање на проблемот со нив.