Украдени 65 часовници Ролекс во златарница во Мемфис
Најмалку пет лица ограбија златарница во Мемфис и побегнаа со најмалку 65 часовници Ролекс од кои секој вреди околу 11.000 долари.
Маскирани ограбувачи упаднале синоќа по отворањето во златарницата и според снимките од безбедносните камери, во рацете имале само чекани, но не и огнено оружје.
Вработените побегнале во задните простории на златарницата, а ограбувачите со чеканите ги искршиле стаклата од излогот и ги украле скапоцените часовници.
Златарницата била сместена во трговски центар поради што завладеала паника кај другите лица кои биле во моментот на грабежот.
20.01.2014 - 11:32
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
