ФОТО: Лазаров досега најдобар стрелец на ЕП
Нашиот ракометен капитен Кире Лазаров покажа зошто е еден од најдобрите во светот, откако со 27 погодоци стана најефикасниот играч на ЕП во Данска во досегашната фаза од натпреварувањето.
Во последниот меч со Австрија Лазаров постигна осум погодоци при што беше еден од најзаслужните во триумфот од 22:21.
Веднаш зад него на листата најдобри стрелци се најде Филип Јиха од Чешка, кој постигнаа 23, па потоа Сигурдсон и Палмарсон од Исланд со 21 односно 18 и Микел Хансен со 17 погодоци.
На претходното ЕП во Србија, Лазаров беше најефикасен стрелец со 61 постигнал гол.
Кога сме кај статистиката да спомнеме дека Филип Миркуловски е на второто место по бројот на асистенции вкупно 18 веднаш зад Микел Хансен кој забележа 23 асистенции. И на оваа листа го има Кире Лазаров кој со 10 асистенции го дели четвртото место.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
