Димовски на „Зелена недела“ во Берлин

 Министерот за земјоделство, шумарство и водостопанство Љупчо Димовски денеска и утре ќе присуствува на најголемиот меѓународен саем за храна, земјоделство и хортикултура „Зелена недела“, кој се одржува во Берлин.

Освен на саемот, министерот Димовски ќе учествува и на Самитот на министри за земјоделство што е дел од „Зелена недела“.

Во фокусот на годинашниот Самит е зајакнување на секторот земјоделство за подобро здравје на луѓето, обезбедување доволно храна и соодветна исхрана на населението.

Саемот „Зелена недела“ ќе се одржува до 26 јануари.