Министерот Спасов изрази сочуство до семејството на Маја од Охрид

Министерот за труд и социјална политика Диме Спасов денеска изрази длабоко сочуство до семејството на малолетната Маја Блажевска, која беше пронајдена мртва на планините над Охрид.

-Не е невообичаено во случај кога исчезнува малолетно дете од одредено семејство, стручните служби во одреден Центар за социјални работи да имаат мислење дека е жртва на трговија со луѓе или дека е киднапирана итн. Во однос на тоа дали се направени разговори- моите информации од Центарот за социјални работи во Охрид е дека се правени разговори, меѓутоа за понатамошниот тек на постапката со оглед на фактот дека се работи за загубен живот и во тек е истражна постапка, ве замолувам за сите детали да се обратите кон истражните органи, одговори Спасов на новинарско прашање .

За потсетување, Маја беше исчезната два месеци, а пред два дена беше пронајдена во фаза на распаѓање кај месноста „Натнасер бачила“ во атарот на охридското село Велмеј.