Иванов денеска во посета на Валандово
Денеска, македонскиот претседател Ѓорге Иванов ќе престојува во работна посета на Општина Валандово.
По средбата со градоначалникот и со претставниците на локалната власт, Иванов ќе ја посети гимназијата „Гоце Делчев“.
Во рамки на посетата е предвидена средба и со бизнисмени од овој регион на која ќе присуствуваат и претставници на Турската агенција за координација и соработка (ТИКА).
Посетата на Општина Валандово ќе биде заокружена со посета на селото Дедели.
