Трамп во водство пред Камала Харис - ја доби Северна Каролина

Донал Трамп е во водство на изборите претседателските избори во САД. Републиканскиот кандидат победи во повеќето традиционални држави за Републиканската партија, вклучително и Северна Каролина, држава која се смета за првото „бојно поле“.

Со тоа го стесни патот за противкандадатката Камала Харис.

Според неофицијалните проекции на американските медиуми, Трамп води пред Харис со 230 гласови од Изборниот колеџ наспроти 205 на Харис. 270 гласови од изборниот колеџ се потребни за да стане Трамп 47-ми претседател на земјата.

Малку по 20 часот, според локално време, најголемата држава - Калифорнија, со 54 електорски гласови, според проекциите, се изјаснила за Харис, како што се очекуваше, како и државата Вашингтон.

Но, клучните држави од битката - Аризона, Џорџија, Мичиген, Невада, Пенсилванија и Висконсин - сеуште се неизвесни.