Кинески функционери во прва посета на Тајван од почетокот на пандемијата на Ковид

 Група кинески функционери пристигнаа во Тајван во прва посета во последните три години од почетокот на пандемијата на Ковид-19 за да присуствуваат на Фестивалот на фенерите во услови на зголемени воени тензии во Тајванскиот теснец.

Тајванската влада оваа недела дозволи пристигнување на шест функционери, предводени од Лиу Ксиаодонг, заменик-шеф на канцеларијата на кинеската канцеларија за Тајван во Шангај, да присуствуваат на фестивалот во Тајпеј на покана на градските власти.

Лиу, кој пристигна на аеродромот Сонгшан во центарот на Тајпеј, не одговараше на новинарски прашања, и беше под силно обезбедување заедно со членовите на групата. Мала група од околу десетина приврзаници на независноста на Тајван протестираа против неговото пристигнување пред аеродромот, извикувајќи „Тајван и Кина, одделни земји“ и „Кинези, одете си“, додека на аеродромскиот пат друга група поддржувачи на Кина извикуваа „добредојде“.

Тајвански совет за креирање политики за Кина соопшти дека на групата и е дозволено да дојде сè додека тие се однесуваат дискретно и се надеваат дека нивната посета ќе промовира меѓусебно разбирање.