Жените од Саудиска Арабија бараат да возат автомобили
Саудиски активистки вчера започнаа кампања со која бараат и жените во Саудиска Арабија да можат да возат автомобили. Тие преку социјалните мрежи упатиле повик што е можно повеќе жени да се приклучат кон нивната кампања и да се изборат да имаат право да бидат возачи.
- Преку социјалните мрежи упативме повик до жените во целата земја на 28 декември да влезат во своите автомобили и да возат, изјави Насима ал Саада, една од активистките. Таа додава дека станува збор за кампања која трае од поодамна, а сега само се обновува и засилува.
Инаку, за време на првата ваква акција во Саудиска Арабија, беа уапсени 16 жени кои бараа право да управуваат со автомобили.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа