Велешанка истури кофа со измет пред судот во Велес - еве ги деталите

Марија П. која и е позната на јавноста како жената која пред извесен период се обиде да го запали судот во Велес,вчера истури цела кофа со човечки и измет во ходникот. Според информациите до кои дојде Вечер, велешанката кофата полна со човечки измет ја донела од својот дом, и иако обезбедувањето на Судот ја познавало, таа нашла начин како да помине и фекалиите ги истурила во ходникот на самиот влез и пред влезот, а потоа се обидела ходникот да го испрска и со солна киселина, но била спречена од полицијата.

-Како што дознаваме, причината поради која Папазова тргнала со фекалиите по судот е едногодишната затворска казна што и беше изречена откако во јули годинава се обиде да го запали судот. Таа успеа да истури цело шише полно со бензин во судот и по влезната врата, а во моментот кога посегнала во џебот по запалката ја фатиле судските полицајци. Веднаш по приведувањето, во експресен судски процес ја доби казната, а до правосилноста и беше одреден куќен притвор. Деновиве пресудата ја потврдила и Апелација што најверојатно бил поводот кој велешанката го чекала за да се одмазди, објави весникот.

Според неофицијални информации, судот ќе бараат психијатриско вештачење за велешанката.

04.12.2013 - 10:34

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега