Принцезата Елизабет добила закана за киднапирање
Принцезата Елизабет, една од двете ќерки на белгискиот крал Филип, добила закана за киднапирање.
Анонимната закана до 12-годишната принцеза била упатена во писмена форма и содржела расистички и неонацистички изрази. Таа била испратена до еден од најтиражните локални весници и била сфатена многу сериозно, по што обезбедувањето на децата на кралската двојка било зајакнато.
Во писмото биле упатени остри критики до кралот, напишани на француски и германски јазик. Тој е критикуван за неговата политика кон странците, која е наведена како причина за тешката економска состојба на земјата.
Според анонимниот испраќач, странците во Белгија причинуваат штета за државата од 30 милијарди евра.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа