Потрагата продолжи утрово: Автомобилот што падна во Вардар го управувал 22-годишно момче
Од рано утрово продолжија специјалната акција за пребарување на теренот и водите на Вардар со цел да се пронајде возачот на голфот кој вчера пропадна во Вардар кај Тетово.
Службите во моментов немаат точни информации дали возачот бил сам и како се случил инцидентот. Во акцијата вклучени се и специјални екипи од страна на Министерството за внатрешни работи.
Медиуми на албански јазик информираат дека станува збор за 22-годишниот Е.Р. од Куманово и пишуваат дека членови на неговото семејство биле на местото на несреќата и потврдиле дека станува збор за тоа момче. Од Центарот за управување со кризи доцна попладнето информираа дека повеќе тимови се вклучени во потрагата и дека водите ги пребаруваат нуркачи.
„Освен специјализирана екипа од МВР, шест припадници на ТППЕ Тетово и шестмина вработени во Општина Желино во претрагата се вклучени и специјален тим нуркачи од ДЗС Велес. Потрагата е во тек“, информираат од ЦУК.
Автомобилот вчера бил извлечен со помош на градежни машини.
„Поради брзината, длабочината и заматеноста на водата, возилото во еден дел од речното корито е носено по течението, но за кратко време пропаднало во природен јаз и визуелно не се гледало. Во моментот не може да се одреди дали во возилото имало луѓе и каква е состојбата со нив“, објави вчера ЦУК.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа