За оние кои сакаат да го намалат кофеинот - четири напитоци што ќе ви ги решат главоболките

Кофеинот го подига нивото на енергија и расположение, но и нивото на стрес во телото.

Кафето едноставно го обожуваме, но пречестото консумирање лесно може да се развие во зависност од кофеин.

Експертите велат дека е најдобро постепено да го намалувате внесот на кафе, за вашето тело да се навикне на промените. Исто така, се забележува дека е потребен зголемен внес на вода за време на периодот на одвикнување на кафето.

Еве кои напитоци се препорачуваат како здрава замена за кафе.

1. Зелен чај

Зелениот чај содржи и кофеин, но неговата количина е значително помала од онаа што се наоѓа во кафето. Намалувањето на нивото на кофеин со консумирање зелен чај може да помогне да се намали чувството на анксиозност и да се подобри сонот. Содржи и многу антиоксиданси кои го забрзуваат метаболизмот и го зголемуваат согорувањето на мастите.

2. Чај од куркума

Лековитите ефекти на куркумата се многубројни, што го потврдуваат и медицинските тестови. Чајот од куркума е одлична замена за кофеинот бидејќи ја намалува напнатоста во мускулите, го подобрува расположението и може да помогне при дерматолошки заболувања. Добар е и за црниот дроб и метаболизмот.

3. Чај од ѓумбир

Верувале или не, ѓумбирот содржи витамин Ц, магнезиум, витамини од групата Б, калиум, калциум, фосфор и натриум. Покрај тоа што е добар сојузник во борбата против дигестивните проблеми, позитивно влијае на циркулацијата, кардиоваскуларниот систем и ја ублажува мачнината.

4. Црвен чај Роибос

Можеби не сте слушнале за овој чај, но време е да научите нешто за ова прекрасно растение. Овој пијалок е познат како африкански чај и мајчино чудо. Не содржи кофеин, па пиењето може да го подобри спиењето, здравјето на срцето и расположението. Покрај тоа, овој напиток го намалува стресот и нервозата. Ова растение, исто така, има корисни ефекти врз кардиоваскуларниот систем, кожата, алергиите и здравјето и виталноста на коските.