Глобалното затоплување ги прави влекачите на Земјата се поголеми

Џонатан Блох е палеонтолог од Музејот на историјата на природата во Флорида, кој ја проучувал врската на големината на телото и глобалните температури.

Тој ги проучувал наоѓалиштата на фосили во рудникот Серехон во Колумбија и пронашол докази од 60 милиони години стари желки со големина на маси, и змии наречени титанобои, која била долга колку автобус.

Според Блох нивоата на атмосферскиот јаглерод-диоксид, сега се приближуваат на оние за време на палеоценско-еоценскиот температурен максимум.

Животите на влекачите зависат од температурата на околината, а експертите проценуваат дека во текот на палеоценско-еоценскиот температурен максимум просечната глобална температура се зголемила од пет до осум степени поради интензивното и необјасниво емитување гасови.

Според истражувањето на палеонтолозите, во периодот на палеоценско-еоценскиот температурен максимум пред 55 милиони години цицачите се намалиле па сегашните коњи тогаш биле со големина на домашни мачки.