Поради „Обамакер“ 3,5 милиони Американци се без здравствена заштита

Поради здравствената реформа „Обамакер“, околу 3,5 милиони Американци веќе останале без здравствена заштита. Станува збор за граѓани кои обезбедиле здравствено осигурување како индивидуалци, а не преку компанијата во која работат и кои честопати купувале осигурителни полиси кои не покриваат некои трошоци, како бременост, контрацептивни средства или душевте болести.

Според оваа реформа „Обамакер“осигурителните компании во САД веќе не смеат да издаваат вакви осигурителни полиси, поради што компаниите масовно ги известуваат своите досегашни клиенти дека веќе не смеат да им понудат заштита.

Реформата „Обамакер“ беше донесена во 2010 година, само со гласовите на демократите на Барак Обама и наспроти жестоко противење на опозициските републиканци, со цел да се осигураат околу 30 милиони Американци, од вкупно околу 50 милиони колку што немаат здравствено осигурување.